La Simpla Vortaro de Esperanto

Vorto: veki

(transitiva) Ĉesigi ies dormon.
- kiam mi venis al li, li dormis; sed mi lin vekis
- veki iun el profunda dormo
(transitiva) (figure) Ĉesigi la kvieton de io; vigligi, stimuli.
- ne veku malfeliĉon, kiam ĝi dormas
- por kio veki senbezone la danĝeron?
- la kantoj vekas la eĥojn de la montoj
- veki la atenton de la aŭskultantoj, la kuraĝon de la soldatoj
- veki kaj venki la apation
- veku, ho veku, veku konstante, ne timu ridon, insulton!
- veki dormantajn energiojn
(transitiva) Naski, estigi.
- veki deziron al io, apetiton, entuziasmon, esperon, iluzion, dubon, suspekton, publikan intereson por, simpatian eĥon ĉe la legantoj, daŭran impreson, meditojn, aplaŭdon, ridon, tumulton, ribelon
- raportoj liaj vekis en Hamleto envion tiel grandan
- estas facile veki malamon, sed malfacile ĝin estingi
- la glavo de la malamiko vekas teruron ĉirkaŭe
- ravan senton ĉiam vekis en mi ŝiaj grandaj lumaj okuloj
- tiu demando vekis multe da disputoj kaj malpaco
- terurovekantaj legendoj