Vorto: tio

  1. Montra pronomo signifanta «io, kion mi nun vidas antaŭ mi aŭ pri kio mi nun parolas; tiu afero, tiu aĵo, tiu objekto, tiu ideo».

    • tio estas tre facila

    • tio ĉi

    • de kiu tio venas?

    • kion tio signifas?

    • ekzistas personoj, kiuj tion ne komprenas

    • tio ĉi estas la ĉefa celo de niaj kongresoj

    • li ne similas al tio, kio li antaŭe estis

    • tio, kion vi diras, estas tre grava

    • ŝi rakontis tion, kio okazis al ŝi

    • tio ĉi estis feino

    • ĉu tio estas vi, Ivan?

    • tio estas tute mia opinio

    • tio estas hundoj, kiuj bojas

    • tio estas ili, kiuj parolis al faraono

    • tio estas tiuj fremduloj, kiujn ni atendis

    • tio estis la vortoj, per kiuj li finis

    • (tio ĉi) estis la unua fojo

    • kion ni promesis, tion plenumu

    • mi volis atentigi vin pri tio, ke en nia afero ĉio povas esti atingita nur per harmonio kaj konstanteco

    • la esperantismo celas nur al tio, ke ia taŭga kaj vivipova komprenilo inter la popoloj ekzistu

    • la danĝero de ilia atako konsistis en tio ke ĝi estis kaŝite preparita

    • la dua kulpigo, kiun ni ofte devas aŭdi, estas tio, ke ni estas malbonaj patriotoj

    • ni memoru pri tio, ke niaj kongresoj estas antaŭparolo por la historio de la estonta interfratigita homaro

    • ĉio dependas de tio, kiel oni konsideras la aferon

    • konforme al tio kiel mi ordonis al vi

En aliaj lingvoj

    • La angla: that (pronoun)
    • La belorusa: тое
    • La ĉeĥa: to
    • La franca: ça, ce (cela), cela
    • La germana: das (Dem.-Pron.)
    • La hungara: az
    • La indonezia: itu
    • La nederlanda: dat
    • La pola: tamto, ów
    • La rumana: aceasta, asta, acest lucru
    • La rusa: то, это
    • La slovaka: to
    • Volapuko: osat, atos