La Simpla Vortaro de Esperanto

Vorto: tenti

(transitiva) Instigi iun al malpermesita, danĝera, aŭ malbona ago, montrante ĝian allogecon.
- kial Adam manĝis la malpermesitan frukton! se mi estus sur lia loko, mi ne lasus tenti min al tio
- Jesuo estis kondukita supren de la Spirito en la dezerton, por esti tentata de la diablo
- vane vi tentas, mi ne konsentos
- malfermita kelo tentas al ŝtelo
- tenti per lukso kaj per amindumado de belaj virinoj
- Dio ne estas tentebla de malbono, kaj Li mem tentas neniun
- Rimarko: Kvankam etimologie «tenti» devenas de latina verbo, signifanta «provi», estas tute malkonsilinde sekvi la suban ekzemplon: iu tentis damaĝi [la monumenton] per grenadoj.
(transitiva) Provi iun, lin submeti al esploro de liaj kapabloj aŭ scioj.
- unu leĝisto tentis lin, dirante: Majstro, kion mi faru, por heredi eternan vivon?
- aliaj, tentante lin, postulis de li signon el la ĉielo
(transitiva) (figure) Inspiri deziron, emon.
- tiu juvelo ŝin forte tentis
- tiu pokalo sukcese tentis pli ol unu virinon
- malplena sako tentas al peko
- sprita vorto tentas, nenion atentas
- mia Bub' per pentekosta ruĝ' vin loge tentis por karesa tuŝo
- tion vidante, oni estas tentata malestimi la homaron
- ŝajnas esti malproksimigitaj for de la homaj okuloj por ne tenti ilian profitamon
- ŝi ne estas nur tentemulino , sed vere tre inteligenta, alte talenta junulino