Vorto: super
-
Prepozicio montranta.
-
Lokon pli altan ol la indikita per la dependa vorto.
la suno estas ankoraŭ super la horizonto
super la tero sin trovas aero
mi donis pluvon super iu urbo kaj ne alia
unu fenestreto, malfermiĝanta super la tegmento, donis ne sufiĉan lumon
tenante la manojn super la okuloj li rigardadis
saliko staras super la rivero
la termometro montras du gradojn super la nulo
niaj kapoj en la daŭro de tutaj horoj estis klinitaj super la laboro
Josef kisis siajn fratojn kaj ploris super ili
li sidas en ŝuldoj ĝis super la ŝultroj
levu standardon super la popoloj
flugilojn viajn super mi etendu
lia okulo vagadis super la bela ĉirkaŭaĵo
la vespera ombro etendiĝas super la kamparo
Rimarko: Pri uzo de super kun akuzativo, vidu al super, super...-n.
-
Pozicion de io aŭ iu, kies forto, grado aŭ rango estas pli alta ol tiu de alia.
tio estas super ĉiuj homaj fortoj, super mia povo
kaj oni metis super ilin laborestrojn, por premi ilin per malfacilaj laboroj
ni devas meti nian komunan celon super ĉiuj forgesindaj disputoj
vi devas suprenlevi vin super tiuj malprofundaj babiloj
kiam insistis super li liaj servantoj, li obeis ilian voĉon
ne konvenas al sklavo regi super princoj
vi havas super mi senliman potencon
havi monopolon super la merkato
vi volas havi Davidon kiel reĝon super vi
super la trezoroj de la reĝo estis Azmavet
la generalo estas super la kolonelo
kampulo volas leviĝi super sian staton
-
Staton de iu, kies atento direktiĝas al ia laboro.
la trompantoj laboradis super la malplenaj teksiloj
li ŝvitas ankoraŭ super la alfabeto
ŝi sidis super peco da tolo, kiun ŝi kudris diligente
kiam ajn oni venas, li ĉiam sidas super laboro
li laboris energie super la projekto de lingvo internacia
laboru ankaŭ iom super la muziko
laborante super mi mem mi kompletigus miajn sciojn
mediti super io
En aliaj lingvoj
- La ĉeĥa: super, supr
- La franca: au-dessus de
- La hispana: arriba
- La hungara: felett, fölött
- La slovaka: super
- La angla: above, over
- La germana: über
- La hispana: sobre (sin contacto)
- La malaja: atas
- La nederlanda: boven
- La rusa: над
- La germana: über
- La hispana: por encima de (en rango, grado...)
- La nederlanda: boven
- La rusa: над, сверх
- La germana: über
- La rusa: над