La Simpla Vortaro de Esperanto

Vorto: societo

Daŭra kuniĝo de pli malpli multaj personoj sub komuna regularo por atingi komunan celon, ĉu plezuran, ĉu profitan, ĉu komercan.
- Esperantismo devas esti movado ne nur societa sed socia
- precipe ni turnas nin al diversaj sciencaj societoj kaj kongresoj
- societo de komercistoj
- la Amerika Filozofia Societo
- la franca societo de savado de dronantoj
Grupo aŭ klaso da homoj interrilatantaj surbaze de komuna socia rango, kutimoj aŭ moroj; kunularo.
- mi malamas societon de malbonfarantoj, kaj kun malpiuloj mi ne sidos
- pekuloj en societo de piuloj
- en la alta societo plej modaj estis la interparoladoj pri la ĝenerala malĝojo
- bone aspektas, kiam oni en societo montriĝas en uniformo
- en societo ŝi ĉiam devis aŭdigadi sian voĉon, kaj tial ŝi kantadis
- pense rigardu en tiu granda omnibuso, la societo estas miksa, ĉar reĝo kaj almozulo, geniulo kaj kreteno, sidas apude
- aliaj en societo de dancistinoj trinkis sur la teraso
- mi estas almenaŭ en bona societo, en kompanio kun la leviĝanta suno!
Jura persono kun laŭleĝe difinitaj rajtoj kaj devoj.
- akcia societo
Socio.
- ni havus sekve ne lingvon internacian en la vera senco de tiu ĉi vorto, sed nur lingvon internacian por la pli altaj klasoj de la societo
- la homa societo