La Simpla Vortaro de Esperanto

Vorto: se

En la okazo ke..., imagante ke..., kondiĉe ke....
- se li jam venis, petu lin al mi
- se oni amas la gaston, oni zorgas la paston
- se malriĉulo sukcesas, li ĉion forgesas
- se Peĉjo ne semos, Petro ne rikoltos
- se vi havos okazon, ne forgesu al mi skribi
- se la projekto estos bona, ĝi ja certe estos akceptita
- mi povus sveni, se mi restos sola
- ĉiuj proklamis, ke ili estas pretaj limigi la armadojn, se la ceteraj nacioj komencos
- se mi estus sana, mi estus feliĉa
- mi ne povus tion kredi, se mi ne vidus ĝin per miaj propraj okuloj
- se tiu homo ne estus naskita, estus bone por li
- ho, se mi havus rifuĝejon!
- ĉio havas sian se kaj sed
- mi estus kontenta, se nur mi povus iom ripozi
Konjunkcio signifanta, ke la implico de du propozicioj estas vera.
- se nombro estas dividebla per 4, ĝi estas dividebla per 2