La Simpla Vortaro de Esperanto

Vorto: papero

Maldika materialo fabrikata el pasto de vegetaĵaj fibroj, sekigita kaj premita; uzata por skribi, presi, paki.
- envolvis ion en pecon da papero
- ili volvis tabakon en strion da papero kaj fumis tiamaniere
- mi ne volis skribi per papero kaj inko; sed mi esperas veni al vi kaj paroli vizaĝon kontraŭ vizaĝo
- malgrandaj retoj, eltranĉitajn el diverskolora papero
- ili faris ŝipeton el gazeta papero
- stelo el ora papero
- pergamena papero
- al la papero ne mankas tolero
Folio de tia materialo.
- blanka papero kuŝas sur la tablo
- ĉambro tapetita per flavaj paperetoj
- konfidi ion al la papero
- li tenis inter la fingroj malgrandan rozokoloran paperon, sur kiu troviĝis versaĵo
Skribitaj aŭ presitaj notoj, dokumentoj, legitimaĵoj kaj similaj.
- verkisto verkas librojn, kaj skribisto simple transskribas paperojn
- ordigi siajn paperojn
- enŝovis kelkajn paperojn en la poŝon, prenis aliajn sub la brakon, por hejme ilin tralegi kaj transskribi
- ŝanĝi valorpapero
- rulo da monpaperetoj
- kiam mi (telefone) estis informita ke mi fariĝis kolonelo, certe mi devis iri al la estro por preni la necesajn paperojn