Vorto: paki
-
(transitiva) Kunaranĝi malvaste iajn objektojn, ordinare preparante stokadon aŭ transportadon, ĉu ilin ligante, ĉu envolvante, ĉu enŝovante en sakon aŭ alian portilon, ĉu ordigante en kesto.
frue en la sekvanta mateno li pakis sian malgrandan havaĵon
la patrino pakis tion aŭ alian, kun kio la patro estis ironta hodiaŭ vespere en la urbon
li pakis ĉiujn miajn pupojn en la lignan keston, alligis ĝin al mia dorso
ili kolektis nur la spikojn, kiujn ili pakis en sakojn, la pajlo restis sur la kampo
paketoj, tiel firme kunmetitaj kaj tiel lerte pakitaj unuj sur la aliaj, ke ili ĉe ĉiu movo de la ŝipo ne ruliĝas tien kaj reen
multaj kukoj estas unuope pakitaj per plasto, tiuj kukoj siavice estas ankaŭ grupe volvitaj en plasto, kaj finfine tio estas pakita en kartona skatolo
presigi ĉiujn tekstojn per tute etaj literoj kaj tiel paki multe pli da enhavo sur ĉiun paĝon
li estis pakita kun ok aliaj personoj en la interno de poŝta kaleŝo
oni povis ricevi kapturnon de tio, kiel la homoj en tiu komplikita amaso da stratoj estis pakitaj unuj super la aliaj
-
(transitiva) Plenigi per aĵoj kaj pretigi transportilon.
mi senprokraste pakis miajn kofrojn, adiaŭis Brigidon kaj reveturis
Knut iris en sian loĝejon kaj pakis sian tornistron
najbaraj familioj judaj, devigitaj paki siajn valizojn kaj iri al la «forirejo”, por transporto
En aliaj lingvoj
- La angla: pack
- La belorusa: пакаваць, упакаваць, укладаць, цюкаваць
- La bulgara: опаковам
- La ĉeĥa: balit, shrnovat, zahušťovat (soubor)
- La franca: emballer, empaqueter
- La germana: packen
- La hispana: empaquetar
- La hungara: csomagol
- La nederlanda: pakken, inpakken
- La portugala: embrulhar, empacotar, enfardar, emalar, empalhar
- La rusa: паковать, упаковать
- La slovaka: komprimovať (súbor), zahusťovať