Vorto: origino
-
Medio, en kiu naskiĝis iu, familio, popolo; deveno.
esti el nobela, sklava origino
Dio el unu origino faris ĉiujn naciojn de la homoj, por loĝi sur la tuta supraĵo de la tero
la bebo, Edipo, malgraŭ onidiraj aludoj, nenion sciis pri sia origino
Abdullah Susi, de mozambika origino, estis kunfondinto de Kinŝaso, la nuna ĉefurbo de Kongo
la indiĝenoj ne rigardas sian etan landon kiel parton de Anglio kaj fieras pri sia kelta origino
ne estas ĝenerale akceptita konsento pri la origino de la nomadoj
la origino de vivo sur la tero ĝis nun estas malmulte komprenebla
-
Kaŭzo aŭ principo, pro kiu komenciĝas io.
tio estis la origino de lia riĉeco
origino de la mondo
serĉi la originon de niaj ideoj
la publikigo de «La origino de specioj” de Darwin
laŭ ties origino la tekilo estas mezkala brando
la origino de multaj belgaj bierspecoj kaj ilia gustvarieco venas de la jaro 1364, en kiu la germana imperiestro Karlo 4a deklaris novan bierleĝon
ĵurnalistaro abunde raportas pri la sekvoj danĝeraj por la ekonomio kaj malagrablaj por la publiko, sed malofte pri la origino de la problemo
-
Elira, rilata punkto, interalie.
Rimarko: Bricard konas la du unuajn sencojn, sed sub formo «origeno».
a. de duonrekto.
b. de kartezia koordinato.
karteziaj koordinatoj, kiuj baziĝas sur sistemo de aksoj reciproke ortaj kaj sin sekcantaj en unu punkto, la origino
c. (de polusa koordinatsistemo) La origino de la polusa akso.
En aliaj lingvoj
- La belorusa: паходжаньне
- La ĉeĥa: počátek, počáteční bod, začátek
- La franca: origine
- La germana: Herkunft, Abstammung
- La hispana: origen
- La hungara: eredet, származás
- La nederlanda: oorsprong
- La pola: pochodzenie
- La portugala: origem
- La rusa: происхождение
- La slovaka: pôvod, východisko, začiatok existencie
- La belorusa: пачатак, зыходны пункт
- La germana: Ursprung
- La hungara: kezdet (kindulási pont)
- La rusa: начало, исходная точка
- La angla: origin
- La belorusa: пачатак, зыходны пункт
- La germana: Anfangspunkt
- La pola: początek
- La rusa: начало, исходная точка
- a. La hungara: eredő, végpont
- b. La germana: (Koordinaten-)Ursprung
- La hungara: origó
- c. La hungara: csúcspont