La Simpla Vortaro de Esperanto

Vorto: operacii

Plenumi operacion.
- a. Fari ĥirurgian operacion.
- - oni operaciis mian fraton pri apendicito
  - kirurgoj ĉe la hospitalo unue ne volis operacii lin pri hernio, ĉar la paciento pezis malpli ol 45 kg
  - operaciita pro kancero kaj ne tute kuracita, li decidis turni sin al alternativa vivmaniero
  - «dipitrena kuntiriĝo” kaŭzas, ke la fingroj kurbiĝas, oni ĝis hodiaŭ ne povas kuraci la malsanon, nur operacii la manojn, eltranĉante la «sovaĝajn” partojn, tiel ke la fingroj denove estas rektaj
- b. Ekonomie, profitcele agadi.
- - estas bedaŭrinde ekvidi privatan fremdan firmaon retiriĝi de la albana merkato ĉar estas malfacile operacii , kie la publikaj ŝtataj entreprenoj kaj ankaŭ la civitanoj elektas la opcion de nepago de siaj ŝuldoj
- c. Fari militan operacion; operaci.
(netransitiva) Diri, ke aro R operacias super aro E, signifas, ke ekzistas iu ekstera operacio de R super E, pri kiu oni fokusiĝas: Simila metaforo validas ankaŭ por la elementoj de R, kiam oni parolas pri ilia ekstera operacio super E.
- la ringo, kiu operacias super modulo
- la vektora spaco, kiu operacias super afina spaco
- ĉiu vektoro operacias enjekcie super afina spaco
(netransitiva) Funkcii, manipuli plenumante operaciojn.
- la programo operacias per longaj reeloj, operacii per algebraj kvantoj