La Simpla Vortaro de Esperanto

Vorto: movi

(transitiva) Transloki ion.
- ni ne povis movi tiun pezan ŝtonon
- movu pli rapide la piedojn, por ke ni venu ĝustatempe
- movu nenion en la ĉambro
- la lokomotivo movas la vagonaron
- barko movata de fortaj brakoj
- ŝipo, kiu sin movas per vaporo
- la luno sin movas sur la ĉielo
- starigataj en vicoj tiel dense, ke ili ne povis movi la brakojn
- malrapida konversacio faletante sin movas inter la kuŝantaj homoj
- la nova societo sendube potence ekmovos nian aferon
(transitiva) Ŝanĝi la pozicion de io aŭ de partoj de io rilate al fiksa punkto.
- movi la lipojn, la okulojn
- movi la buŝon
- Marion sin ne movis
- ili ĉe la plej malgranda fluo de la akvo sin movas, kiel vivaj estaĵoj
- se la vento ne movus la branĉojn kaj la arbetaĵojn, oni povus preskaŭ kredi, ke ili estas pentritaj
- vigle movadi siajn piedojn
(transitiva) Ripete kaj regule irigi kaj reirigi difinitajn pecojn de aparato; funkciigi, peli.
- akvoforto movas la muelilon
(transitiva) (figure) Instigi, decidigi al io.
- eble tio plaĉus al li kaj movus lin ion fari por nia afero
- la plimulto el la homoj estas movata de sentoj kaj antaŭjuĝoj