La Simpla Vortaro de Esperanto

Vorto: miksi

(transitiva) Meti kune diversajn objektojn aŭ substancojn tiamaniere, ke oni ne povas plu ilin facile distingi.
- miksi akvon kun vino, farunon kun oleo
- miksi pajlon kun argilo
- mian trinkaĵon mi miksis kun larmoj
- oferu dekonon de efo da delikata faruno, miksita kun kvarono de hino da elpistita oleo
- al ili la aŭdita parolo ne utilis, ne miksite kun fido ĉe la aŭdantoj
- strangaj kreaĵoj, duone homaj, duone bestaj, strange kunvolvitaj kaj miksitaj
- miksi kartojn
- tapiŝo el miksitaj koloroj
- sin miksi en la bruantan amason, inter la amaso
- Rimarko: En kunmetitaj vortoj Z uzas la radikon miks samsence kiel divers: mikskolora (= diverskolora) , miksforma, miksospecaj bildoj. Tia konfuziga uzo ne estas imitinda.
(transitiva) (figure) Meti kune en sia spirito diversajn aferojn tiamaniere, ke oni ne povas plu ilin facile diferencigi.
- miksi la signifon de du vortoj
- ne miksu tiun monton kun alia samnoma monto
- nia ĝojo estis miksita kun bedaŭro
(transitiva) Enmiksi.
- la kronprinco ne devus sin miksi en la batalon
- la sanktaj profetoj komencas sin miksi en la aferojn, kiuj neniam apartenis al ilia povo
- ne miksu vin en aferon ne vian
- sin miksi en konversacion
- kial vi miksis mian nomon en la disputon?
- la ministro tute ne miksis sin en kondukadon