La Simpla Vortaro de Esperanto

Vorto: lingvo

Sistemo de vortoj uzata de etno aŭ alia homgrupo por interkompreniĝo.
- fremda, hejma, gepatra lingvo
- mi ne scias la lingvon hispanan
- lingvo internacia, kiu, ne entrudiĝante en la doman vivon de la popoloj, povus, almenaŭ en landoj kun diverslingva loĝantaro, esti lingvo regna kaj societa
- se ni volas havi lingvon tutmondan, ni devas antaŭ ĉio kutimi meti niajn personajn gustojn sur la lastan planon
- la lingvo internacia devas vivi, kreski kaj progresi laŭ la samaj leĝoj, laŭ kiaj estis ellaborataj ĉiuj vivaj lingvoj
- unu el la plej ĉefaj taskoj de niaj verkistoj devas esti la ellaborado de la lingvo
- nia lingvo devas servi ne sole por dokumentoj kaj kontraktoj, sed ankaŭ por la vivo
- la lingvo internacia restas senŝanĝa en tiu formo, en kiu ĝi estas proponita de mi
Tiu sistemo rigardata kiel karakterizo de speciala grupo da individuoj aŭ de aparta fako.
- la komuna, scienca, teĥnika lingvo
- la biblia, popola lingvo
- la lingvo de la metiistoj, ŝtelistoj
- en moderna ekonomika lingvo ni povas diri, ke
Ĉio servanta por esprimi pensojn aŭ sentojn.
- la lingvo de la surdmutuloj, de la bestoj
- la algebra lingvo
Aro da signoĉenoj difinita per formala gramatiko (sintakso), al kiuj signoĉenoj ofte estas atribuita signifo (semantiko).
- formala lingvo
- regula, senkunteksta, kuntekstohava lingvo
- komputilaj lingvoj kiel Algol, Fortran kaj C