Vorto: kontraŭ
-
Prepozicio montranta.
-
Ion antaŭ iu persono aŭ objekto, de ĝi apartigita per libera interspaco.
la urbdomo staras kontraŭ la katedralo
la du mimikistoj sidiĝis unu kontraŭ la dua
li distranĉis ilin laŭ la mezo kaj metis tiujn partojn unu kontraŭ la alia
vilaĝoj kuŝas sur la dekstra kaj maldekstra bordo, unu kontraŭ la alia
-
Personon aŭ objekton, kun kiu oni komparas alian.
supereco de homo kontraŭ bruto ne ekzistas
multigu vin miloble kontraŭ via nuna nombro
tiuj popoloj vivas sub regado, kontraŭ kiu ili preferus la Turkan
-
Objekton, por kiu oni ŝanĝas ion.
Arabujo komercis kun vi, donante al vi ŝafidojn kontraŭ viaj komercaĵoj
du kamaradoj aĉetis de li la birdon kontraŭ kelke da spesdekoj
kontraŭ dek svisaj frankoj mi sendas serion da aŭstraj poŝtmarkoj
ŝanĝi varojn kontraŭ varoj
-
Personon aŭ objekton, al kiu estas direktata ago aŭ sento.
ŝi eltiras siajn blankajn manojn kontraŭ la ŝipo
frapi sin kontraŭ muron
levi la vizaĝon kontraŭ la plafonon
ŝi levis kontraŭ la junan virinon siajn okulojn
vi estas tro bona kontraŭ mi
agi fiere kontraŭ iu
ankaŭ ŝi ne estas indiferenta kontraŭ li
kontraŭ neniu oni devas esti maljusta
esti favore agordita kontraŭ iu
kiel li agis kontraŭ mi, tiel mi agos kontraŭ li
se iu ŝtopas sian orelon kontraŭ kriado de malriĉulo, li ankaŭ vokos kaj ne estos aŭskultata
malobeemaj vi estis kontraŭ la Eternulo
-
Objekton, kies naturan pozicion, direkton aŭ tendencon oni inversigas.
karesi kontraŭ la haroj
froteti kontraŭ la haroj
naĝi kontraŭ la fluo
agi kontraŭ la kutimoj, la leĝon
paroli kontraŭ sia penso, konscienco
-
Objekton aŭ personon, al kiu estas direktata malamika, malutila, malfavora aŭ malhelpa ago.
kuracilo kontraŭ febro
panon vi donis al ili kontraŭ ilia malsato
kontraŭ malfeliĉo baroj ne ekzistas
dubo gardas kontraŭ risko
li savis Danielon kontraŭ leonoj
kion vi volas, ke mi faru kontraŭ tio?
diskuti pri la por kaj la kontraŭ
eĉ kontraŭ pastra prediko troviĝas kritiko
kontraŭ peko batalu, sed pekanton ne tuŝu
elpaŝi kontraŭ iun
militi, ribeli, konspiri, komploti, iri, marŝi, batali, ekpafi kontraŭ iu(n)
kontraŭ tuta kohorto eĉ Herkulo estas malforta
ŝi levas la bastonon kontraŭ lin
kiu ne estas kontraŭ vi, estas kun vi
la komitato nenion havos (riproĉos) kontraŭ Svisujo
lia agado indignigis ĉiujn kontraŭ li
gardu min Dio kontraŭ miaj amikoj, kontraŭ miaj malamikoj mi gardos min mem
kontraŭ min mem sin turnis mia ruzo
mi levos kontraŭ vin nacion, kiu premos vin
Kaino leviĝis kontraŭ sian fraton kaj mortigis lin
kontraŭ ĉi tiun leĝon protestas la laboristaro
mi havas nenian plendon kontraŭ li
En aliaj lingvoj
- La hispana: contra, enfrente de
- La pola: przeciw, przeciwko, wbrew, wobec, anty-
- La rumana: contra, împotriva, anti-, in comparatie
- La franca: en face de, face à
- La germana: gegenüber
- La hispana: frente a
- La hungara: szemben
- La nederlanda: tegen, tegenover
- La rusa: против, напротив
- La franca: comparé à, face à (comparé à)
- La germana: gegenüber
- La hispana: en comparación con
- La hungara: képest
- La malaja: tentang
- La nederlanda: tegenover
- La franca: contre (en échange de), en échange de
- La germana: gegen
- La hispana: por
- La hungara: ellenében
- La nederlanda: tegen
- La rusa: за, на (при обмене)
- Volapuko: kota
- La franca: envers, vers (direction)
- La germana: gegen
- La hungara: felé, irányában
- La nederlanda: tegen
- La rusa: против
- La franca: contre (en opposition avec), en opposition avec
- La germana: gegen
- La hungara: ellenében
- La nederlanda: tegen
- La rusa: против
- La franca: contre (défavorablement à)
- La germana: gegen
- La hungara: ellen
- La nederlanda: tegen
- La portugala: contra, em frente de, defronte de, em face de, para com, para, em troca de, em relação a, por
- La rusa: против