background

Vorto: kia

  1. Ekkria kaj demanda adjektivo, montranta la kvaliton, naturon, specon en sendependa propozicio.

    • kia bruo!

    • kia amaso!

    • kia malsaĝulo mi estas!

    • jen kiaj ni estas!

    • kia granda homo detruiĝis!

    • kiaj nekalkuleblaj riĉaĵoj estas disverŝitaj en la granda regno de la naturo!

    • kian uniformon li portis?

    • kian respondon donis la mastrino?

    • kiaj estas la kondiĉoj?

  2. Ekkria kaj demanda adjektivo, montranta la kvaliton, naturon, specon en dependa propozicio.

    • vi scias, kia estas nia celo

    • en infano vidiĝas, kia homo fariĝos

    • ekrigardu, kiajn okulojn li havas, nigrajn aŭ ne

    • mi ne scias, kian komprenon vi havas pri la libereco

    • li ofte ne povas diri, kian formon ni devas uzi

  3. Relativa adjektivo kun sama signifo.

    • mi donis al vi la libron tian, kia ĝi estis

    • kia naskiĝis, tia grandiĝis

    • kia patro, tia filo

    • kia demando, tia respondo

    • tiu sufikso donas al vi la eblon esprimi ĉian profesion, kia nur povus aperi en via cerbo

    • mi konas vin tiel longan tempon, kian povas ampleksi mia memoro

    • tio estis brulofero, kia estis farata ĉe la monto Sinaj

    • postulu kontentigon, kian ajn vi volas

    • kia ajn estos la rezulto, mi persistos

En aliaj lingvoj

    • La belorusa: які
    • La ĉeĥa: jaký, -á, -é
    • La franca: quel, que, quelle sorte de, de quelle sorte, comment (de quelle sorte)
    • La germana: was (für ein)
    • La hungara: milyen, micsoda
    • La nederlanda: wat voor een
    • La rusa: какой
    • La germana: welches
    • La hungara: milyen, micsoda
    • La germana: wie
    • La hungara: amilyen