La Simpla Vortaro de Esperanto

Vorto: kara

Amata.
- kara patrino
- mia karmemora patro
- li konfesis al ŝi, kiel kore li ŝin amas kaj ke ŝi devas fariĝi lia kara edzineto
Alte ŝatata, grandvalora.
- ĉion, kio estas kara al vi, ili prenu
- ĉiu por si mem estas la plej kara
- kara estas dono en minuto de bezono
- amiko estas kara, sed vero pli kara
- ju pli granda la deziro, des pli kara la akiro
- sia estas pli kara ol la najbara
- vi ŝtelis de mi karan horon
Multekosta.
- kara loĝejo
- tro kara aranĝo por malkara tagmanĝo
- lia nigra vesto estis el plej kara ŝtofo
- kare pagi por la konsiloj
- ĝi estas pli kara, ol juveloj
- vivi tiel malkare, kiel nur eble, ŝpari, kiom ni nur povos
- vi ŝtelistoj, vi volas malkare manĝi anserojn!
- turkaj familioj vendis malkare siajn domojn kaj forkuris
- Rimarko: La pli klaraj sed malpli elegantaj anstataŭaĵoj «multekosta», «malmultekosta» ne ĉiam plensence povas anstataŭi «kara» kaj «malkara». En la proverbo: malhumileco estas kara plezuro , «multekosta» ne povus esprimi la profundan signifon, ke per malhumileco oni riskas perdi pli ol nur monon: socian subtenon kaj staton, sekurecon, eble eĉ la propran vivon. Kara pago inkluzivas pagon per tio, kio al si mem estas kara.