La Simpla Vortaro de Esperanto

Vorto: kadro

Borderaĵo, ordinare kvadrata, sed ankaŭ diversforma, el iu ajn materialo, per kiu oni ĉirkaŭigas pentraĵon, spegulon, fenestron kaj tiel plu.
- la orita kadro mirinde reliefigis la nigran figuron de la maljunulino
- malgranda insekto estas sub vitro kaj en kadro
- la pentraĵoj sur la muro estis bone koloritaj litografaĵoj ili povis kosti po tri ĝis kvin ŝilingoj kaj la kadroj po unu dolaro
- fenestro, kiu havis nigran ebonan kadron
Vidaĵo, kiu ĉirkaŭas ion.
- la urbo kuŝis en kadro el freŝa verdaĵo
- la palaco liveris bonegan kadron al nia kongreso
(figure) Ĉio, kio ĉirkaŭas ian okazaĵon: cirkonstancoj, kutimoj, reguloj, organizo, doktrino.
- la disdonado de la diplomoj okazis samtage, en la kadro de adiaŭa vespero
- la historia kadro de tiu citaĵo estas sufiĉe konata
- establi novan organizon en la kadro de nia asocio
- tiu agado okazas ekster la kadro de nia ofico
- Ili ŝatis nur la kadron eklezian
- ili nur profitas ĝian kadron eksteran
- nenia nova vorto en tiu ĉi lingvo devas esti kreata el sonoj, kiuj sin ne trovas en la kadro de ĝia alfabeto
- ni proponas nur krei neŭtralan eksteran kadron, kiu povus unuigi inter si ĉiujn memstare pensantajn homojn
- aŭtonoma instituto en kadro de UN
- subvencioj en la kadro de apogprogramoj
- krevis la malnovaj kadroj de la sciencoj