La Simpla Vortaro de Esperanto

Vorto: horizontala

(rilate al iu loko de la tersurfaco) Rilata al la horizontalo de la loko; direktita laŭ tiu horizontalo.
- horizontala pozicio de objekto
- la surfaco de senmova akvo estas horizontala
- horizontala planko, ŝnuro, tablo
- globo, metita sur horizontala surfaco, ne moviĝas pro la propra pezo
- en la teatro estis tiel malvaste, ke oni ne povis aplaŭdi en horizontala direkto, sed aplaŭdis en vertikala
- la dormanta Ĥaldeano, sen iu ajn apogo, ekpendis horizontale en la aero, kelke da metroj super la tero
- granda rado, metita sur horizontala akso
- ĉu la ekzistado de la plimulto da homoj ne devenis simple de horizontala pozo de dormanta kuireja gracio
- horizontala polarizado
- tenu la tabulon en ĝusta horizontaleco
Apartenanta al tiu direkto en la teksto, kiu estas horizontala se la tuta tekstosurfaco estas vertikala.
- en la latina skribosistemo la linioj kutime estas horizontalaj
- tiuj ĉi signoj povas esti skribataj laŭ ĉiuj direktoj, ne sole horizontale de maldekstre al dekstre, kiel ĉe la Eŭropanoj
- strioj horizontalaj aŭ vertikalaj
- ili elsendis la t.n. horizontalan programadon, tio signifas ĉiutage la saman anonciston je la sama horo
vertikala, oblikva, nivelilo, rektoŝnuro.