Vorto: barko
-
Ŝipo, taŭga por transportado de varoj kaj kelkaj personoj sur rivero aŭ ĉe marbordo; en antikva Egiptujo remboato uzata sur Nilo.
foje de la alia bordo forveturis ornamita reĝa barko, transpasis Nilon kaj komencis rondiri
sub la ferdeko, sur kiu estis multekostaj tendoj, remis dudek soldatoj, ĉe la masto kaj sur ambaŭ ekstremoj de la barko okupis lokojn plej bonaj riveraj inĝenieroj
el priskriboj fare de antikvaj historiistoj kaj arkeologoj oni scias, ke iliriaj barkoj kaj ŝipetoj estis tre fortaj kaj rapidaj
ĉiun posttagmezon je la 17a horo la koloraj fiŝbarkoj revenas kaj malŝarĝas fiŝojn kaj krustacojn
ilia barko – kun spaco oficiale nur por 10 personoj – renversiĝis en artefarita lago Farka, apud Tirano
trimasta barko kun kvar kvadrataj veloj kaj unuopaj topveloj
ĉiuj domoj staris sur ŝipoj, la grandaj palacoj sur larĝaj barĝoj, la pli malgrandaj sur barkoj kaj boatoj
Rimarko: Laŭ PV barko ne havas ferdekon, laŭ PIV ĝi povas havi, laŭ germana Vikipedio temas pri senmasta ŝipo. La supraj ekzemploj evidente ignoras tiajn difinojn. La komunaj trajtoj ŝajnas esti: barko estas antikva ŝiptipo, pli granda ol simpla boato, kun levitaj pintoj, ordinare uzata en trankvila akvo de riveroj kaj bordoj de Mediteraneo kaj ordinare konstruita el natura materialo kiel kano aŭ ligno.
En aliaj lingvoj
- La angla: barque, boat, small ship
- La belorusa: барліна
- La ĉeĥa: bárka, kocábka, loďka, malá plachetnice bez paluby
- La franca: barque
- La germana: Barke, Nachen
- La hispana: barca
- La hungara: bárka
- La nederlanda: sloep
- La pola: barka
- La portugala: barco
- La rusa: барка
- La slovaka: bárka